ಹೊಳಲ್ಕೆರೆ ತಾಲ್ಲೂಕಿನ ಹಲವೆಡೆ ಸಾಧಾರಣ ಮಳೆ

2024-08-16 07:56:33

ಹೊಳಲ್ಕೆರೆ ತಾಲ್ಲೂಕಿನಲ್ಲಿ ಹಲವೆಡೆ ಹಗುರ ಮಳೆಯಾಗಿದೆ ಎಂದು ಚಿತ್ರದುರ್ಗ ಜಿಲ್ಲಾಧಿಕಾರಿ ಕಚೇರಿ ತಿಳಿಸಿದೆ.
ತಾಲ್ಲೂಕಿನ ಹೋಬಳಿಗಳಾದ ಬಿ.ದುರ್ಗ 15.2 ಮಿ.ಮೀ, ತಾಳ್ಯ 6.6 ಮಿ.ಮೀ, ರಾಮಗಿರಿ 1.3 ಮಿ.ಮೀ ಮಳೆ ಸುರಿದಿದೆ ಎಂದು ಜಿಲ್ಲಾಧಿಕಾರಿ ಕಚೇರಿ ತಿಳಿಸಿದೆ.
ಈ ಪೈಕಿ ಹೊಳಲ್ಕೆರೆಯಲ್ಲಿ ಇಂದು ಶುಕ್ರವಾರ ಆಗಸ್ಟ್ 16 ರಂದು ಮಧ್ಯಾಹ್ನ 3.7 ಮಿ.ಮೀ ಮಳೆಯಾಗಿದೆ. ಆದರೆ ಈ ಮಳೆ  ಮೆಕ್ಕೆಜೋಳ, ರಾಗಿ ಮುಂತಾದ ಬೆಳೆಯುತ್ತಿರುವ ತಮ್ಮ ಬೆಳೆಗಳಿಗೆ ಸಾಕಾಗಲಿದೆ ಎಂದು ಹೊಳಲ್ಕೆರೆ ಸುತ್ತಮುತ್ತಲಿನ ರೈತರು ಹೇಳಿದ್ದಾರೆ.
ಇನ್ನು ಬಿ.ದುರ್ಗ ಹೋಬಳಿಯಲ್ಲಿ ಹೆಚ್ಚಿನ ಮಳೆ ಸುರಿದರೂ ಇದು ಜಮೀನುಗಳಲ್ಲಿ ಬೆಳೆಯುತ್ತಿರುವ ಬೆಳೆಗಳಿಗೆ ಅಗತ್ಯವಿರುವಷ್ಟು ಬಂದಿದೆ. ಜೊತೆಗೆ ಜನ, ಜಾನುವಾರುಗಳಿಗೂ ಈ ಮಳೆ ಯಾವುದೇ ರೀತಿಯ ಹಾನಿ ಸಂಭವಿಸಿಲ್ಲ. ಇದರಿಂದ ಸಕಾಲದಲ್ಲಿ ಬೆಳೆಯುತ್ತಿರುವ ತಮ್ಮ ಬೆಳೆಗಳಿಗೆ ಇಷ್ಟಾದರೂ ಮಳೆ ಬಂತಲ್ಲಾ ದೇವರೇ ಎಂದುಕೊಂಡು ರೈತರು ನಿಟ್ಟುಸಿರು ಬಿಟ್ಟಿದ್ದಾರೆ.