ಹೊಳಲ್ಕೆರೆ ತಾಲ್ಲೂಕಿನ ಹಲವೆಡೆ ಶುಕ್ರವಾರ ಸಾಧಾರಣ ಮಳೆ

2024-08-24 07:55:44

ಚಿತ್ರದುರ್ಗ ಜಿಲ್ಲೆಯ ಹೊಳಲ್ಕೆರೆ ತಾಲ್ಲೂಕಿನಲ್ಲಿ ನಿನ್ನೆ ಶುಕ್ರವಾರ ಆಗಸ್ಟ್ 23 ರಂದು ಹಲವೆಡೆ ಸಾಧಾರಣ ಮಳೆಯಾಗಿದೆ.
ತಾಲ್ಲೂಕಿನ ಹೊಳಲ್ಕೆರೆಯಲ್ಲಿ ಗರಿಷ್ಠ 1.6 ಮಿ.ಮೀ, ಬಿ.ದುರ್ಗ ಹೋಬಳಿಯಲ್ಲಿ 1.4 ಮಿ.ಮೀ, ರಾಮಗಿರಿ ಹೋಬಳಿಯಲ್ಲಿ 1 ಮಿ.ಮೀ ಹಾಗೂ ತಾಳ್ಯ ಹೋಬಳಿಯಲ್ಲಿ ಕನಿಷ್ಟ 0.3 ಮಿ.ಮೀ ಮಳೆಯಾಗಿದೆ ಎಂದು ಚಿತ್ರದುರ್ಗ ಜಿಲ್ಲಾಡಳಿತ ಮಾಹಿತಿ ನೀಡಿದೆ.
ಸತತ ಮಳೆಯಿಂದ ತಾಲ್ಲೂಕಿನ ಬಹುತೇಕ ಕೆರೆ,ಕಟ್ಟೆಗಳು, ಹಳ್ಳ,ಕೊಳ್ಳಗಳು ತುಂಬಿ ಹರಿಯುತ್ತಿವೆ. ಚಿಕ್ಕಜಾಜೂರು ಬಳಿ ಇರುವ ರೈಲ್ವೆ ಅಂಡರ್ ಪಾಸ್ ಗಳಲ್ಲಿ ಮಳೆ ನೀರು ನಿಂತಿದ್ದರಿಂದ ಪ್ರಯಾಣಿಕರ ಸಂಚಾರಕ್ಕೆ ಅಡಚಡೆಯಾಗಿತ್ತು. ಈ ಅಂಡರ್ ಪಾಸ್ ಗಳಲ್ಲಿ ಓಡಾಡುವ ಗ್ರಾಮಸ್ಥರು ಈ ಕೂಡಲೇ ಅಂಡರ್ ಪಾಸ್ ಅವ್ಯವಸ್ಥೆಯನ್ನು ಸರಿಪಡಿಸಬೇಕೆಂದು ಆಗ್ರಹಿಸಿದ್ದಾರೆ.